呢個Blog都好耐冇Update…主要因爲小弟呢2年都擺左好多時間係工作同私人生活到, 所以連自己有個Blog都好似遺忘左.
Anyway, 最近有人比左Comment我問我CIBSE既Panel時間, 而我最近又咁橋考到CIBSE, 所以就打下呢篇文分享下我既過程比大家聼啦. 由於預計到篇文應該有少少長, 所以分開左上中下三部分. 上部分主要講下我既經歷同入紙有咩要Submit, 中部就會講下Report, 然後下部分主要講下powerpoint點整同Interview遇到既問題.
我既考牌經歷
近年黎, 可能人才流失, 導致工程師需求增加左. 可能因爲咁, 令到多左人選擇去嘗試考CEng (Chartered Engineer), 同埋留意到身邊好多同事都打破【傳統】, 可能5-6年已經考到牌. 我自己都想試下自己既運氣同實力, 所以大概2023年頭, 我第一次入紙, 跟住2023年7/8月左右interview, 2023年尾就出result話我failed. 個陣都幾唔甘心, 因爲覺得自己已經準備得好充足但換黎既係好多我Report以外既問題. 基於我既唔甘心, 我短短隔左3個幾月, 姐係2024年4月就再入紙, 然後2024年7月interview, 最近就收到Application Successful.
考牌入紙有咩Qualification?
如果你目的係考CEng的話, 跟CIBSE Application for Member Guideline 你要有以下是但一個:
其次多人問就係要唔要Master Degree, 如果你留意上圖, CIBSE話如果你係2015打後入學 (留意翻係入學并非畢業), 就需要Masters Degree. 如果你滿足到上述要求, 你就可以行Standard Route. 當然, 如果你唔Sure你隨時可以Email CIBSE問翻你個學位係唔係可以Qualify for Standard Route. 如果唔得, 你可以行Alternative Route. Standard Route同Alternative Route既分別係下圖:
考牌入紙有要準備同Submit?
考之前可以留意翻ECUK (Engineering Council UK)既UK-SPEC 4th Edition, 佢統一左所有學會考CEng/IEng/EngTech既Competences要求. 主要黎講, 如果你要經CIBSE考取CEng, 你要滿足到UK-SPEC既17個Competences, 詳情可以睇下條Link:
https://www.engc.org.uk/media/4338/uk-spec-v14-updated-hierarchy-and-rfr-june-2023.pdf
當你覺得你可以Fulfill到呢17個Competences, 你就可以開始準備你份EPD (Engineering Practice Report). 係呢份EPD裏面, 你要寫翻你過去參與過既Key Projects, 而係每一個Project裏面, 你做過啲乜去證明你Fulfill個17 Competences. 上面條Link都有講每一個Competence既Sample Evidences, 你可以從中攞一啲靈感去Apply落你個Case到. CIBSE就規定份Report要係4000-5000字, 同埋份Report要包括曬所有17個Competence既Evidence. 所以我建議可以好似CIBSE既Sample Report咁, 係每一個Evidence隔離加多一行係講你Fulfill左咩Competence:
CIBSE亦都有多幾份Sample Report比大家參考, 詳情可以去以下呢條Link:
https://www.cibse.org/membership-registration/applicant-support/sample-reports-and-statements/member-member-ceng
除左Report, 份Application亦都要有以下既文件:
1. CV (Employment Details)
2. Development Action Plan
3. Organization Chart (O-chart)
4. University Certificates (Endorsed, 要Sponsor簽名Verify True Copy)
5. Demonstration of Competences (Sponsor填, 證明你Fulfill 5大項Competence)
有曬所有文件之後, 你就可以直接上CIBSE官網Apply:
https://www.cibse.org/membership-registration/professional-registration/step-one-competence-eligibility/step-five-submit-your-application
Apply完既流程係點?
上網Apply完, CIBSE UK總部會Verify一次你Submit既Document, 包括你份EPD去確認你寫既野係Cover曬17個Competences同埋字數係4000-5000字. 如果你份Report有野需要執, CIBSE UK會Email叫你補充翻. 當你份Report同所有Document都verified, CIBSE會sd封email比你話已經將你既文件send左比CIBSE HK. 呢個過程視乎你份Report有無野要改, 一般2-3個月就會Send翻比CIBSE HK. CIBSE HK就會幫你安排Interview, 然後會寄封實體信比你話你知Lead Interviewer同另外一個Interviewer係邊個. 跟住Interviewer就會同你約時間去做一個1個鐘頭左右既Interview, 之後Interviewers就會send翻分紙比CIBSE UK再去決定你係咪可以成爲CEng. 由CIBSE UK send比CIBSE HK再有Interview需時大概1-2個月, 然之後再有Result又等多2個月左右. 成個Application Process就大概6-7個月到.
總結
今個Post主要講下成個流程係點, 下個Post我會主力講下Report, 例如分享下我Report既例子. 再之後會講埋點準備Powerpoint同Interview既技巧. 所以敬請留意~
