承接上一個Post, 呢個Post會講下Genset油缸Sizing. 其實程序上油缸係要計完Genset Sizing先可以開始Size, 所以我分開左2個Post講. 如過你未睇我上一個Post的話, 請你禁入呢條Link睇翻, 因爲呢個Post會用翻之前Genset Sizing計落既數字.

Step 1: Requirements Check
係Size油缸之前, 首先你要知道個油缸係要頂到幾多個鐘頭油量. 如果係消防發電機的話, 就最起碼要6個鐘頭油量. 如果係Non-FSI發電機的話, 就要視乎個客既要求. 我自己就做過Tier III Data Center, 當時個部發電機既油缸個油量係要維持到12個鐘頭Full Load Operation. 我亦做過體育館既Project, 部Non-FSI發電機既油缸既油量只需要3個鐘頭既Full Load Operation, 所以如果牽涉Non-FSI Generator, 就最好睇睇Specifications寫個油缸要比到幾多個鐘既油量.

呢個Post會用翻上一個Post計到既Genset去Size油缸; 基於上一個Post既Genset係消防Genset, 所以我地計既油缸既油量係要頂到6個鐘頭既Full Load Operation.

Step 2: Calculate Genset Steady Full Load Rating
呢步其實就係計翻Genset Steady時候Full Load既kVA (kW). 我地可以呢個例子會用返之前個Post計發電機既Steady Full Load kVA.

Steady load kVA in total 516.74 kVA
Steady load kW in total442 kW
Table 1: 上一個Post既Steady Load Calculation

Step 3: 睇Genset Catalogue, Check Fuel Consumption Curve / Data
我地上個Post用既Genset係C1000 D5, 可以睇翻揀選左既Genset既Catalogue, 會有 Fuel Consumption Data:

Picture 1: Fuel Consumption Data for Generator C1000 D5

圈左個個位就係C1000 D5既Fuel Consumption Data. 通常Catalogue會有2個Category, 一個係Prime一個係Standby. Standby Generator 就冇Overload既功能, 而我地一般用既Genset都要做到10% Overload, 所以我地係會用Prime rated Genset既Fuel Consumption Data去計.

如果你問Genset Supplier佢地都會比到一條Curve你, 但係我就揾唔到, 所以呢個Example我地會用Fuel Consumption Data 去計個Fuel Tank Size. 呢個方法有個唔好處, 就係通常會預大左個用油量. 所以最好都係問翻Genset佬攞翻條Curve.

睇翻張圖圈左個個位, 有1/4, 1/2, 3/4, Full Load, 其實就係代表你Steady Full Load既Rating對比Genset既Rating既比例. 以我地上個Post計到既Genset為例, Steady Full Load kVA = 516.74 kVA (Table 1), 而Genset Prime Rating係939 kVA, 所以比例係 516.74/939 ~ 0.55 > 1/2. 所以係無Fuel Consumption Curve既情況就會用3/4個個Fuel Consumption Rate, 姐係139L/hr. 如果你有條Curve, 個數字應該會細翻少少, 你預個油缸都會細左.

Step 4: 計油缸大細
去到呢度都只係普通乘數. 我地將每個鐘既用油量乘翻個鐘數:

Required Fuel = 139 x 6hrs = 834 L.

所以油缸個Size要大過834L, 我就會Propose Fuel Tank Size = 900L.

Additional Notes:

根據消防處 (HKFSD)既要求, 過500L既油缸就要間Dangerous Good Store Room (油缸房) 比油缸, 所以大部分Housing Project都係將油缸做到細過500L, 咁就可以做到機底缸.

同埋根據消防處既要求, 如果油缸係Aboveground(高過G/F), 同層油缸總容量唔可以大過2500L. 通常如果有好多部Genset係Aboveground, 油缸Size要好大, 都會做Underground Fuel Tank去解決. 通常會係G/F起個地底油缸, 然後用油泵泵油上去, 然後Aboveground會起個細既Daily Fuel Tank去接油同儲油.

如果想研究Fuel Tank Room既Requirement, 可以睇呢條Link.

下個Post會講埋Genset Louvre Sizing, 所以記得Subscribe呢個Blog, 咁我下次出Post你就會收到Email通知~~